اسٹاف رپورٹ
اسلام آباد: آئل اینڈ گیس ڈویلپمنٹ کمپنی لمیٹڈ (او جی ڈی سی ایل) اور پاکستان عرب ریفائنری کمپنی (پارکو) نے تیل اور گیس کے بنیادی ڈھانچے کے منصوبوں سمیت توانائی کے شعبے میں نئے منصوبوں پر تعاون کے لیے مفاہمت کی ایک یادداشت پر دستخط کیے ہیں۔ یہ اقدام کاروباری تنوع اور توانائی کی منتقلی کی حکمت عملی کے حصے کے طور پر سامنے آیا ہے تاکہ طویل مدتی پائیداری کو یقینی بنایا جا سکے اور شیئر ہولڈر کی قدر میں اضافہ ہو سکے۔
مفاہمت کی یاداشت کے تحت، دونوں کمپنیاں مواقع کا جائزہ لینے اور تجارتی، تکنیکی اور اقتصادی طور پر قابل عمل منصوبوں کے لیے فزیبلٹی اسٹڈیز کرنے کے لیے مشترکہ ورکنگ گروپس قائم کریں گی۔ دونوں کمپنیوں نے تیز رفتار بنیادوں پر ٹھوس پیش رفت کو عملی جامہ پہنانے کے لیے مخصوص منصوبوں اور تعاون کے شعبوں کی نشاندہی کی ہے۔
تعاون کے پہلے مرحلے کے ایک حصے کے طور پر، عالمی سطح کے کنسلٹنٹس نئے مواقع کی شناخت اور ان کا جائزہ لینے میں مصروف ہوں گے۔ مشترکہ منصوبے کے مواقع کا مقصد توانائی کے شعبے میں کامیاب منصوبوں کو تیار کرنے اور ان پر عمل درآمد کے لیے دونوں کمپنیوں کی طاقت اور مہارت سے فائدہ اٹھانا ہے۔
ایم او یو پر او جی ڈی سی ایل کے ایم ڈی/سی ای او جناب احمد حیات لک اور پارکو کے ایم ڈی شاہد محمود خان نے دستخط کیے۔ دونوں کمپنیوں کی سینئر انتظامیہ نے دستخط کی تقریب میں شرکت کی۔
او جی ڈی سی ایل اورپارکو کے درمیان یہ تعاون پاکستان میں توانائی کے شعبے کو مضبوط بنانے اور کاروباری ترقی کو فروغ دینے کی جانب ایک اہم قدم ہے۔ توقع کی جاتی ہے کہ یہ جدید اور پائیدار منصوبوں کی ترقی کا باعث بنے گا جس سے دونوں کمپنیوں کو فائدہ پہنچے گا اور ملک کی مجموعی توانائی کی حفاظت میں حصہ ڈالا جائے گا۔
